Dating ‘punching bag’ ni Pacquiao arestado

Inaresto ng mga pulis ang boxing star na si Adrien Broner matapos masangkot sa driving under influence o pag­mamaneho ng lasing ni­tong Biyernes ng gabi, [Sabado/Manila Time] sa Miami Beach.


Bago dinampot ay pinara muna ng mga pulis si Broner dahil sa kaduda-duda nitong pagmamaneho.

Nang sitahin ito ga­nap na alas-8:45 ng gabi at madiskubreng nakainom ay diniretso ito sa presinto.

Otso oras ding na­kulong ang boksingerobago napalaya nang magpiyansa ito ng $1000 o katumbas ng P51K.

Matatandaang suki na rin sa mga pulis ang Kanong boxer.

Taong 2019 kasi ay dalawang beses itong naakusahan ng sexual assault.
Una itong hinuli noong February sa At­lanta hinggil sa panghi­hipo sa isang babae sa shopping mall.

Paglipas ng apat bu­wan, kulong uli ito sa Cleveland dahil pinilit nitong halikan siya ng ibang babae sa night­club.

Bukod dito ay na­sangkot din ito sa pa­nanakit sa ilang tao sa publiko, at hindi pag­babayad ng tama sa biniling mga alahas.

Kinunsidera si Bro­ner bilang isa sa best prospect sa larangan ng boxing kaya inalyasan itong ‘About Billions’.

Nagbangasan na rin sila ng mukha ni fightingsenator Manny Pacquiao noong Janu­ary 2019 sa Las Vegas pero natalo ito sa ‘Pam­bansang Kamao’ via unanimous decision. (Aivan Episcope)

By ABANTE TnT